Fjarnám

Yrkis- og lestrarvegleiðing á Fjarnám

Fjarnám heldur til á Garðavegi 57 í Íverksetarahúsinum í Klaksvík.
Deirdre Hansen er í starvi á Fjarnám og uppgávan hjá vegleiðaranum er at veita arbeiðs- og
lestrarvegleiðing. Tað merkir, at tú kanst koma til eitt prát um, hvussu tú kanst fáa arbeiði og
útbúgving innan áhugamál, hegni og evni tíni.

Deirdre kann veita vegleiðing um:
– at finna lærupláss
– um útbúgvingar
– stuðuls møguleikar (Studni, SU)
– um hvussu tú skrivar umsóknir og CV
– um viðurskifti í samband við flyting, um útbúgvingin er í øðrum landi (bústað, Cpr.nr.
o.a.)
Vegleiðingin er fyri øll vaksin og er ókeypis.

Sera nógvir arbeiðsmøguleikar eru á nútíðar arbeiðsmarknaðinum, tí kann tað verða torført at
finna røttu yrkisleiðina. Tað kann eisini gerast neyðugt at skifta arbeiðsleið, antin vegna
uppsøgn, broyting á arbeiðsmarknaðinum ella av persónligum áðum.
Vegleiðing (Career Guidance and Counselling) er ein viðurkend vísund og er eitt tilboð til
vaksin í øllum framkomnum londum. Vegleiðarin hevur tagnarskyldu og hevur etiskar
leiðreglur at halda seg til.
Ein onnur uppgáva hjá vegleiðaranum á Fjarnám er at skapa eitt mennandi umhvørvið fyri
lesandi og at vegleiða teimum í uppgávuskriving. Tað kann verða gagnligt fyri lesandi og fyri
arbeiðspláss, at uppgávur kunnu setast í samband við arbeiðsmarknaðar-viðurskifti. Tað
knýtir lestrarvitan saman við viðurskifti á føroyska arbeiðsmarknaðinum og er eisini við til at
menna góð netverk millum lesandi í Føroyum og uttanlands og við Klaksvíkar kommunu,
Íverksetarahúsið og vinnulívið. Lesandi eru tí vælkomin at biðja um pláss í
Íverksetarahúsinum at arbeiða við lestaruppgávum.
Íverksetarahúsið hýsir íverksetum, og góðu umstøðurnar í húsinum skapa eitt gott og kreativt
umhvørvi, har møguleiki er fyri sparring í millum lesandi og íverksetar.

Deirdre Hansen

Deirdre Hansen

lestrar- og yrkisvegleiðari

Finn Fjarnám her

adressa

Garðarvegur 57,
FO 700 Klaksvík

Ring til okkum

+298 239503

Send okkum ein teldupost

Fjarnam@klaksvik.fo

V-tal

FO567043

X