Fyrsta stig er tikið og tú ert nú í gongd við at byrja tína fyritøku.

Hevur tú vinnuliga sølu av vørum og tænastum fyri meira enn 50.000 krónur í 12 mánaðir, so skalt tú skráseta teg í Vinnuskránni hjá TAKS. So fært tú eitt v-tal (stytting fyri vinnutal), sum verður brúkt í øllum samskifti við stovnin.

Hjá TAKS kanst tú lesa meir um at skráseta fyritøku í Vinnuskránni og hvat slag av fyritøku, talan er um.

Tey, sum ætla at reka virksemi í felagsháttunum parta- og smápartafeløg og íverksetarafeløg, skulu eisini skráseta seg hjá Skráseting Føroya.

Byrjanarprát – set teg í samband við okkum, um tær tørvar ráðgeving ella íblástur

Tú situr ivaleyst við spurningum, ið tú fegin vilt hava svaraðar. Partarnir í vinnuframaskipanini veita á hvør sínum øki ráðgeving og stuðul í sambandi við at byrja fyritøkur, at menna hugskot og vørur og at marknaðarføra og útflyta.

Vinnuframapartar

Íverksetarahusið Hevur tú eitt hugskot ella arbeiðir tú við eini verkætlan og manglar íblástur ella sparring, so kanst tú fáa okeypis ráðgeving frá Íverksetarahúsinum. Harumframt kanst tú leiga skrivstovupláss, har tú verður partur av einum breiðum og fjølbroyttum felagsskapi av íverksetum.

Vit vita hvussu týdningarmikið tað er at koma væl frá byrjan. Tí bjóða vit øllum áhugaðum til eitt byrjanarprát, sum hevur til endamáls at geva tær svar upp á tíni ivamál og kunna teg um tey mest grundleggjandi viðurskiftini innan íverksetan.

Byrjanarprátið kann møguliga eisini hjálpa tær at meta um, hvussu langt tú ert komin í tínari avgerðargongd til at seta egna fyritøku á stovn. Ynskir tú eitt prát, set teg í samband við okkum her – vit hjálpa fegin.

Vinnuframi Tørvar tær stuðul, eitt nú til menning og marknaðarføring, kanst tú søkja Vinnuframa. Endamálið hjá Vinnuframagrunninum er at stuðla vinnuni í avmarkaðan mun – uttan at veita rakstrar- og íløgustuðul. Grunnurin stuðlar tiltøkum, sum fjøltátta vinnulívið og økja um nýtsluna av vitan.

Framtak Hevur tín fyritøka tørv á at gera nýggjar íløgur fyri at menna seg, so kann Framtak møguliga hjálpa tær við fíggingini.

Hugskotið Hevur tú eitt hugskot ella arbeiðir tú við eini verkætlan og manglar íblástur ella sparring, so kanst tú fáa okeypis ráðgeving frá Hugskotinum. Harumframt kanst tú leiga skrivstovupláss, har tú verður partur av einum breiðum og fjølbroyttum felagsskapi av íverksetum.

Visit Faroe Islands Hevur til endamáls at skapa vøkstur í føroysku ferðavinnuna. Arbeitt verður við at selja Føroyar alt árið, bæði innan frítíðarferðavinnu og vinnuferðavinnu, og verður hetta gjørt í tøttum samstarvi við vinnuna. Íverksetar í ferðavinnuni kunnu fáa ráð og vegleiðing frá menningardeildini hjá Visit Faroe Islands.

Hópfígging Hevur tú tørv á fígging til eina verkætlan, so er Hópfígging ein møguleiki. Tað er Íverksetarahúsið, sum umsitur Hópfíggingarportalin.       

Filmshúsið Filmshúsið er ein savnandi depil fyri filmsvinnuna, og virkar fyri at birta upp undir film sum vinnu. Virksemið fevnir m.a. um at:

1)   Ráðgeva og leiðbeina føroyskum filmsfólkum og verða savningarstaður fyri føroyska filmsumhvørvið.

2)   Marknaðarføra føroyskan film uttanlands, marknaðarføra Føroyar sum filmsland og veita ráðgeving í sambandi við filmsframleiðslur.

3)   Virka fyri at hækka førleikastøðið innan filmsframleiðslu í Føroyum.

Ert tú filmsfólk, ella veitir tú tænastur til filmsvinnuna, kanst tú skráseta teg við tínum førleikum í yvirlitinum hjá Filmshúsinum, sí her. FMX (Tónleikaútflutningsstovan) leggur til rættis útflutningsátøk og altjóða marknaðarføring av føroyskum tónleiki.

iNOVA Granskarasetrið iNOVA veitir karmar og virkar fyri tvørvísindaligari biotøkniligari gransking og nýskapan.

Í iNOVA eru bæði almennir granskingarstovnar og privatar fyritøkur. Til ber at leiga skrivstovu- og starvsstovupláss. Eisini ber til at leiga atgongd til royndarkøkin, t.d. til at menna nýggjar matvørur.

Virkisskráseting, loyvi, tryggingar o.a.

TAKS Stovnar tú eitt einstaklingavirki ella eitt íognarfelag, skalt tú seta teg í samband við TAKS. Her kanst tú lesa meir um at skráseta fyritøku á Vinnuskránni og hvat slag av fyritøku, talan er um.

Hevur tú vinnuliga sølu av vørum og tænastum fyri meira enn 50.000 krónur í 12 mánaðir, so skalt tú skráseta teg í Vinnuskránni hjá TAKS. So fært tú eitt v-tal (stytting fyri vinnutal), sum verður brúkt í øllum samskifti við stovnin.

Skráseting Føroya Tey, sum ætla at reka virksemi í felagsháttunum parta- og smápartafeløg og íverksetarafeløg, skulu skrásetast hjá Skráseting Føroya.

ALS Fólk í sjálvstøðugari vinnu eru ikki fevnd av arbeiðsloysisskipanini. Tey kunnu tó sjálvboðin tryggja seg fíggjarliga móti arbeiðsloysi við at tekna eina sjálvbodna arbeiðsloysistrygging hjá ALS.
Les meira her.

Vinnuhúsið Vinnuhúsið veitir millum annað ráðgeving til arbeiðsgevarar og virkar sum ein áhugafelagsskapur hjá vinnulívinum í Føroyum.

Ráðgeving frá einum serfrøðingi

Ert tú íverkseti og hevur tín fyritøka tørv á einum íkasti frá einum fakfólki ella serfrøðingi, ert tú somuleiðis vælkomin at seta teg í samband við okkum. Vit brúka javnan okkara stóra og breiða netverk av fakfólki og vinnuaktørum til at knýta sambond við íverksetarar.

Íverksetarahúsið skipar regluliga fyri tiltakinum ‘Hitt ein serfrøðing’, sum er eitt tilboð um stutta ein-til-ein ráðgeving. Serfrøðingar innan m.a. løgfrøði, marknaðarføring, fígging og grannskoðan eru tilreiðar at geva tær 20 minuttir ókeypis ráðgeving ella sparring um tína fyritøku ella íverksetarahugskot.

Hugskotið skipar javnan fyri tiltøkum um ymisk evni, eitt nú fígging, ferðavinnu, tænastuvinnur, marknaðarkanningar o.a.

Eisini Vinnuframi, Filmshúsið og FMX bjóða javnan til kunningartiltøk og skeið innan síni virkisøki.

Fylg við her á síðuni fyri at finna útav, hvørji tiltøk verða í næstum.

Set teg í samband við okkum um tær tørvar ráðgeving ella íblástur. Vit hjálpa fegin.