Hvør hevur víst nýhugsan, árræði og dirvi í árinum sum fór? Hvør heldur tú hevur uppiborið heiðurin sum Ársins Íverkseti? Nú kanst tú koma við tínum uppskoti til heiðurslønirnar, sum verður latnar á Ársins Íverksetaradegi
Ársins Íverksetaradagur er árliga tiltakið hjá Íverksetarahúsinum, sum heiðrar íverksetarar og íverksetan. Í tí sambandi verða tríggjar heiðurslønir latnar: Ársins Íverkseti, Ársins Innovatión og Ársins Íløga.
Øll kunnu koma við tilnevningum. Ein dómsnevnd tekur endaliga avgerð. Dentur verður lagdur á, hvør
hevur víst nýhugsan, árræði og dirvi
hevur víst góð fíggjarlig úrslit
hevur givið øðrum íverksetum íblástur
Freistin at koma við tilnevningum er til og við 21. mars 2017. Íverksetarahúsið gleðir seg til at fáa nógv góð uppskot við góðum grundgevingum. Uppskot skulu sendast til Íverksetarahúsið á [email protected].
Ársins Íverkseti í fjør var Polar Films Entertainment. Tað eru teir báðir ungu havnamenninir Andres Jacobsen og Brian Samson, sum hava bygd teirra íverksetan upp frá botni av, og hava megnað tað truplasta kynstrið av øllum, nevnliga at fáa góðan búskap í virksemið.
Ársins Innovatión fekk Bakkafrost fyri teirra nýskapan, at baða alilaksin í feskvatni við brunnskipinum Hans á Bakka. Í fjør var eisini var ein serlig heiðurløn latin til Eysturskúlan fyri teirra stóra og týdningarmikla arbeiði teir gera til frama fyri íverksetan í fólkaskúlanum.
Í ár verður Ársins Íverksetaradagur hildin 31. mars kl 10.00 í Østrøm í Tórshavn.
Edward Fuglø hevur sniðgivið Granan. Granarnar á myndini hevur Óli Skarðenni gjørt úr mahogni og kopari.
