DUEL VANN DM Í ÍVERKSETAN

Íverksetarahúsið

j

15/04/2021

Í dag var Íverksetarahúsið karmur um Danmarksmeistaraheitið í íverksetan fyri fólkaskúlanæmingar. Endin var at føroyski bólkurin ”DUEL – North Atlantic Skincare” sum er mannaður av Duritu Jónsdóttir og Elin Eyðunsdóttir, frá Nám X vann Danmarksmeistaraheitið, frammanfyri 20 onnur lið úr øllum Danmark, eitt lið var eisini við úr Grønlandi. 

DUEL vóru, saman við flokkinum og lærararnum, bjóða til Íverksetrahúsið, har nógv bleiv gjørt burturúr finaluni. Kappingin skuldi upprunaliga vera í Kolding, men vegna koronasmittuna var kappingin netborin, og sostatt bleiv framløgan hjá DUEL stroymd úr í Íverksetarahúsinum. 

DUEL – North Atlantic Skincare, sum hevur framleitt húðkrem úr endurnýttum rávørum, bergtóku av álvara donsku dómsnevndina. Sum grundgeving fyri fyrsta plassinum, legði dómsnevndin millum annað dent á, at DUEL hevði megnað at gagnnýtt eina vøru, sum var ment úr teirra nærumhvørvið, og sum ofta verður blakað burtur aftaná nýtslu. Harumframt hevði DUEL gjørt ein góða og fullmenta prototypu, sum hugtók dómarnir almikið. Umframt heiðurin og at kunna kalla seg Danmarksmeistarar í Íverksetan, vann DUEL eina virðisløn uppá 10.000 kr.

Tað er Fonden for Entreprenørskab sum skipar fyri Danmarkarmeistaraskapinum í íverksetan, og er hetta bert næstu ferð at næmingar úr Føroyum luttaka. Tað er at fegnast um, at arbeiðið við at skapa eina íverksetaramentan millum skúlaungdóm í Føroyum ber ávøkst. 

Íverksetarhúsið ynskir DUEL hjartaliga til lukku við Danmarkarmeistaraskapinum.

X