Í seinastu viku skrivaðu Føroya Tele og Íverksetarahúsið undir tvey ára sponsoravtalu. Við avtaluni er Føroya Tele nú høvuðssponsor hjá Íverksetarahúsinum
Fríggjadagin var finala í SkúlaFM 2015. Áðrenn vinnarin varð útnevndur, varð høvið brúkt, og Rani Nolsøe, stjóri í Íverksetarahúsinum, og Símun Skaalum Petersen, marknaðar- og produktstjóri hjá Føroya Tele, undirskrivaðu sponsoravtalu fyri 2015 og 2016.
Endamálið við avtaluni er at fáa styrkt innsatsin fyri íverksetan í samfelagnum, ásannandi, at Føroyar hava tørv á fleiri íverksetum, og fleiri vinnuligum beinum at standa á.
Føroya Tele og Íverksetarahúsið arbeiða saman um at brúka sponsoravtaluna til størst møguligt felags gagn.
